تكفى ياخوي لايغسل جثتي غيرك ..

دحوم ..... ليه تبكي كل ما شفتك وعينـك لـي
تخاف أموت ياخوي ... وقبــل الموت تبكيني

تكفا ياخوي لا تبكي وأنا موجود معك وحـي
أجل بعد الرحــيل أشلون في قبري توطينـي

اخوي لوتموت الناس ماتسوى دموعــك ذي
وأنا ياخوي ميت قبل أموت وأنـت محيـينـي

قسم بالله ياخوي لجل عينك شربـــت الغـي
جـرعت الهم والحرمان وبحرالويل يسـقينـي


تحملت السنين اللي طوتني في عذابي طــــي
وصار الجمر بكفوفي.. وتحــت أقدام رجليني


ياخوي ماعلى عمريحسافه ولا بــقا بي شي
ولكـن بطلبـك ياخوي تكـفـا لا تخلينـي



ياخوي مابي غيرك يغسـل جثتـــــي بالمـي
وتكــفا قبل لا أتكفن .. ياخوي فكلـي عينـي


بأمر الله يمكن ألمحك وأرحــــل في عيني ضي
وودع وجهك الطاهر مع دنيـــاي وسنينـي


وخل الناس تحملني وترفع راسي ورجــــلـي
وتأخذني على قبري وتكسب أجرهـا فيــنـي


وأذا جيت القبر يا خوي نزلني شوي شــــوي
ووجهنـي لبيـت الله .. وقبلـــه المصلينـي


وحط الطين وأدفني وعز اللي يعـزي فـــي
ثلاث أيام ياخوي .. يواســـوك المعزينـي


ورابع يوم يا خوي تذكر .. ضحـــكتي وعني
تذكر وش كنت أقول يـوم أنــك تنادينـي


تذكركنت تجي يمي تصب الما..على وجهي وتصحيني


تذكر جرة الموال وصوت في حبالـه كــــي
تذكر يوم كنت أنام في ظل النخـل والفـــي
يوم أغني لك قصيدي وانت توحيـــنـي


تذكر ضحكتك لا قلتلك ياخوي عــشقي هـي
تذكر كم قصيدة خافيه مـا بينـــك وبينـي


تذكر كل شي كان وأذكر يـوم انـــا حـي
ولكــــــن أسالـك بالله ياخوي لا تبكيني