مشغول .. ومقفل .. (لا يوجد رد) .. تحويل .. أنتظار ..!!

الوصل ( جنه ) .. والغلا (غيره) وطاري البعد ( نار )
و( الشك ) شيطان القلوب .. اللي يعكر ودها

والجرح / ما هو يحس به / كون الجريح المستثار
وضلوع صدري عانت جروحك .. وضاقت حدها

ما كل جرح ٍ /تقدر تشافيه .. كلمة واعتـذار
بعض الجروح .. يفت بنيان الغلا .. ويهدهااا

ما تشوف قلبي كل ما اقفى منك وقف واستدار
عجزت وآنا كل ما نفسي تروح .. آردها !!

اغليك ايه .. واعشقك ايه .. لكن الجرح عااااار
معطيك من قلبي ثقه .. وآثرك منت بقدهااا

بغيت اسامح تالي ذنوبك .. لكن قلبي استخار
وباقي غلاتك وقفت كل المداامع ضدهاااااا !!

مع السلامه .. جعل مالك في رباا الاظلاع دار
والعشره اللي قد مضت وياك .. لابو جدها !!

كذاب ماحبيتني / وتقول لي ميت واغاااار
وجمايلي لو عشت عمرك ما عرفت تردها

يا من تغيب وتزعل وكنك علي طلاب ثار
السالفه اكبر من الغيبة وداعي صدها !!

فقعت كبدي .. في تلايا الليل واطراف النهار
الين ضقت وملت ضلوعي .. وباحت سدها

مشغول .. ومقفل .. (لا يوجد رد) .. تحويل .. أنتظار
اضيق منها واستضيق ان طولت عن حدها